नेपाली संगीत क्षेत्रकी लोकप्रिय गायिका इन्दिरा जोशी युरोपका बिभिन्न देशमा साङ्गितिक प्रस्तुती दिन युरोप आउने भएकीछन । उत्तरि युरोपको फिनल्यान्ड देखि अस्ट्रिया सम्म हुने जोशीका कार्यक्रम दशै, तिहार बिशेष हुनेछन ।
अहिले सम्म चौतारी इभेन्ट्सले फिनल्यान्डमा, नेपाली समुदायले क्रोयसियामा, नेसासले अस्ट्रियामा, कास्की समाज बेल्जियमले बेल्जियममा, एनआरएनए डेनमार्क र इनास डेनमार्कले संयुक्त आयोजनामा डेनमार्कमा जोशीको साङ्गितिक साँझ आयोजन गरेकाछन । माल्टा पोर्तुगल लगायतका देशमा पनि कार्यक्रमको तयारी हुँदैछ ।
नेपालकी साकिराको रुपमा चर्चित बहुप्रतिभाशाली गायिका इन्दिरा जोशीका आधुनिक र पप गीतहरु निकै रुचाइएकाछन । रियालिटी शो “को भन्दा को कम”, “नेपाली तारा” लगायतबाट आफ्नो क्यारिएर सुरु गरेकी जोशी अहिले रियालिटी शो “नेपाल आइडल” र “सारेगमा लिटल च्याम्प” मा निर्णायक रहेकीछन ।
एनएफडिसी राष्ट्रिय चलचित्र पुरुस्कार पाइ सकेकी जोशीका “डान्स विथ मि” लगायतका एलबम र चलचित्रमा थुप्रै गीत सुन्न सकिन्छ ।
