एजेन्सी : पाकिस्तानका पूर्वप्रधानमन्त्री इमरान खानमाथि गोली प्रहार भएको छ ।
पाकिस्तानको पूर्वी शहर लाहोरमा एक विरोध जुलुसमा खानमाथि गोली प्रहार भएको हो । गोली लागेका खान घाइते भएका छन् ।
उनको पीटीआई पार्टीका सदस्यहरूले बिहीबार थप चार जना घाइते भएको बताएका छन् । तर कसैको मृत्यु भने भएको छैन ।
७० वर्षीय खानले तत्काल निर्वाचनको माग गर्दै राजधानी इस्लामावादमा जुलुसको नेतृत्व गरिरहेका थिए ।