एजेन्सी : पाकिस्तानका प्रधानमन्त्री इमरान खान सत्ताच्युत भएका छन् । शनिबार राति संसदमा अविश्वास प्रस्तावमाथि भएको मतदानमा उनले आवश्यक सांसदको साथ पाउन नसकेसँगै उनी सत्ताच्युत भएका हुन् ।
६९ वर्षका इमरान खान अविश्वास प्रस्ताव मार्फत सत्ताच्यूत हुने पहिलो पाकिस्तानी प्रधानमन्त्री बनेका छन् ।
विपक्षीले दर्ता गरेको अविश्वासको मतको पक्षमा आवश्यक मत परेको हो । संसदमा भएको मतदानमा खानको विपक्षमा १ सय ७४ मत परेको थियो ।
अविश्वास प्रस्ताव दर्ता भएपछि प्रधानमन्त्री खानको सिफारिसमा राष्ट्रपतिले संसद भंग गरेका थिए ।
तर सर्वोच्च अदालतले दुवै निर्णय बदर गरेपछि शनिबार मध्य रातमा मतदान भएको हो ।
संसदले अब नयाँ प्रधानमन्त्री नियुक्त गर्ने छ । नयाँ बन्ने प्रधानमन्त्रीले सन् २०२३ को अक्टोबरसम्म देशको नेतृत्व गर्ने छन् । त्यसपछि नयाँ चुनाव हुनेछ ।
