एजेन्सी : इन्धन बोकेको ट्यांकर विस्फोट हुँदा ६० जनाको मृत्यु भएपछि हैटीमा तीन दिनको शोक घोषणा गरिएको छ ।
क्याप हाइटिएन शहरमा गुडिरेको इन्धन सहितको ट्याकरबाट इन्धन चुहिएर विस्फोट भएको हो ।
ट्यांकरबाट चुहिएको इन्धन लिन सर्वसाधारणको भीड लागेको बेला ट्यांकर विस्फोट हुँदा ६० जनाको मृत्यु भएको हो ।
घटनामा दर्जनौ मानिस घाइते भएका छन् । घाइतेहरु जलेको अवस्थामा रहेका कारण मृतकको संख्या बढ्न सक्ने अनुमान गरिएको छ ।
हैटीका प्रधानमन्त्री एरियल हेनरीले दुर्घटनापछि सम्पुर्ण क्यारेबियान राष्ट्र शोकमा डुबेको भन्दै ३ दिनको शोक घोषणा गरेका हुन् ।