प्रतिनिधिसभाको बैठक फेरि पनि स्थगित भएको छ । नेपाल कम्युनिष्ट पार्टी (नेकपा) मा सभामुखको कुरा नमिलेपछि बैठक स्थगित भएको हो ।
प्रतिनिधिसभाको बैठक आइतबार दिउँसो १ बजेका लागि बोलाइएको थियो । तर सभामुखका सम्बन्धमा निर्णय हुन नसक्दा संसद बैठक आउँदो माघ ६ गतेसम्मका लागि स्थगित गरिएको छ ।
छलफलमा उपसभामुख शिवमाया तुम्बाहाम्फे पनि सहभागी थिइन् । नेकपामा उपसभामुख तुम्बाहाम्फेलाई राजीनामा गराउने प्रयास भइरहेको छ तर उनले राजीनामा दिन अस्वीकार गरेकी छिन् ।
यसअघि शनिबार नेकपाको सचिवालय बैठकले शिवमायालाई राजीनामा दिन भनेको थियो । तर, तुम्बाहाम्फेले आफूले उपसभामुखबाट राजीनामा नदिने अडान राख्दै आएकी छन् ।
