भक्तपुर – भक्तपुरको निर्वाचन क्षेत्र नम्बर १ को प्रदेशसभा (क) मा भएको उपनिर्वाचनमा नेपाली कांग्रेसका उम्मेद्वार कांग्रेसका कृष्णलाल भडेल विजयी भएका छ ।
उनी निटकत प्रतिद्वन्द्वी सत्तारुढ नेकपाका देवीप्रसाद ढकाललाई पराजित गर्दै विजयी भएका छन् । मतगणना भर्खरै सकिएको हो । भडेलले ढकाललाई २ हजार २ सय ४३ मतान्तरले पराजित गरेका हुन् ।
प्राप्त मत परिणाम
अन्तिम मत परिणामअनुसार कांग्रेस उम्मेदवार कृष्ण भँडेलले १३ हजार ४ सय ४९ मत पाएका छन् । उनका निकटतम प्रतिष्पर्धी नेपाल कम्युनिष्ट पार्टीका उम्मेदवार देवीप्रसाद ढकालले ११ हजार २ सय ६ मत पाएका छन् ।
नेपाल मजदुर किसानका पार्टी उम्मेवारले ५ हजार २९ मत पाए । अन्तिम मत परिणाम घोषणाको तयारी भइरहेको छ ।
