बेल्जियमका नेपालीको कम्पनीले बिकास गरेको खाना अर्डर गर्ने सफ्टवेरले फेब्रुवरी दोश्रो साताबाट सेवा सुरु गर्ने

बेल्जियमका आईटी बिज्ञ तेज नेपालीको कम्पनी ‘रेस्टुरेन्ट हब’ ले बिकास गरेको खाना अर्डर गर्ने प्रबिधिको आगामी फेब्रुवरी १५ बाट औपचारिक शूभारम्भ हुने भएकोछ । कम्पनीको डेलिभेरी म्यानेजमेन्ट (बितरण ब्यबस्थापन) समुहको बारेमा जानकारी दिन आज एन्तवेरपेन शहरमा आयोजना गरिएको ब्रिफिङ र अन्तरकृया कार्यक्रममा रेस्तुरेन्ट हबका म्यानेजिङ डाइरेक्टर नेपालीले उक्त सफ्टवेरका बिशेषता, अरु प्रतिष्पर्धीको तुलनामा यस्को प्रयोगबाट रेस्टुरेन्ट ब्यबसायिहरुलाई हुने फाईदा, कम्पनीले डेढ बर्ष देखि बिकास गरेको प्रबिधिको विश्वसनियता, र खाना बितरण गर्ने टिमको जिम्मेवारि र उत्तरदायित्वका बारेमा जानकारी गराउनु भएकोछ ।

उक्त प्रब्रिधिको बिकास गर्न हाल सम्म करिब तीन लाख साठी हजार युरो लगानी भएको र डेलिभरी म्यानेजमेन्टका लागि ७० हजार युरोको बजेट छुट्ट्याईएको कम्पनीले बताएकोछ । अहिले सम्म परिक्षणमा रहेका करिब 20 मेशिनबाट प्राप्त फिडब्याक र सफ्टवेरको काम उत्साहप्रद देखिएकोले अब कम्पनिका आफ्नै ड्राईभरहरुले रेस्टुरेन्टबाट ग्राहक सम्म खाना बितरण गरिने बताइएकोछ ।

अन्य ठुला कम्पनिहरुले रेस्तुरेन्ट ब्यबसायिहरुलाई बाध्यतामा पारेर आर्थिक शोषन गरेको गुनासो बढ्न थाले पछि आफुले यो प्रबिधिको बिकास गरेको र ति कम्पनी भन्दा बढी सुबिधा र विश्वसनियता कायम गरिएको बारेमा पनि कार्यक्रममा नेपालीले ब्रिफिङ गर्नु भएको थियो । रेस्तुरेन्टहरुका ग्राहकहरुको विवरण प्रयोग गरेर ठुला कम्पनीले बढी नाफा लिने देखिएको हुँदा त्यसका लागि हरेक रेस्तुरेन्टको स्वतन्त्र वेबसाइट र अन्य दस्ताबेजहरुमा रेस्तुरेन्टहरुकै नियन्त्रण हुने गरी सुरक्षित फिचर पनि उक्त प्रबिधिमा राखिएकोछ । ओपन सोर्सबाट चलेका सफ्टवेर सुरक्षित हुन नसक्ने भएकोले सिस्टमको सुरक्षाका लागि बलियो प्राबिधिको प्रयोग गरिएकोछ ।

बेल्जियममा हाल परिक्षणमा रहेका सहित २०० सय मेशिनबाट सुरु गरेर एक बर्षमा ७५० मेशिनहरु खाना अर्डरका लागि रेस्तुरेन्टहरुमा जडान गरिनेछ ।
हाल बेल्जियम, पोर्तुगल , क्यानडा र घानाबाट सेवा सुरु गरेर युरोप र विश्वका अन्य देशमा पनि सेवा बिस्तार गरिने कम्पनीले जनाएकोछ ।