काठमाडौं : काठमाडौं महानगरपालिकाले अनधिकृत रुपमा बनाइएका संरचना भत्काउने अभियानलाई निरन्तरता दिने भएको छ ।
महानगरपालिकाले आज काठमाण्डौको कोटेश्वरमा सडक अतिक्रमण गरेर सञ्चालन गरिएका पसलहरू हटाउने तयारी गरेको छ ।
कोटेश्वरमा बुधबार महानगरको टोलीले अबैध रुपमा राखिएको संरचना हटाउन निर्देशन दिइसकेको छ । महानगरले सोमबारदेखि बानेश्वरबाट अवैध संरचना हटाउन शुरु गरेको हो ।
बुधबार न्युरोड तथा दरबारमार्ग क्षेत्रमा रहेका अनधिकृत संरचना हटाएको थियो ।
काठमाडौं महानगरप्रमुख बालेन्द्र शाहले अनधिकृत संरचनाहरु नबनाउन र बनाएका त्यस्ता संरचनाहरु आफैंले भत्काउन अनुरोध समेत गरेका छन् ।
अवैध संरचनाहरु भाडामा लगाउने काम नगर्न पनि महानगरले अनुरोध गरेको छ ।