काठमाडौं : अमेरिकी सेनाको इन्डो प्यासिफिक कमाण्डका कमाण्डिङ जनरल चार्ल्स ए फ्लिनले बिहीबारदेखि नेपाल भ्रमण गर्दैछन् ।
प्रधानमन्त्री शेरबहादुर देउवा र प्रधानसेनापति शर्माको अमेरिका भ्रमणको पूर्वसन्ध्यामा उनी नेपाल आउन लागेका हुन् ।
चार दिने भारत भ्रमण सकेर बिहीबार अपराह्न नयाँदिल्लीबाट उनी काठमाडौँ आउने कार्यक्रम रहेको छ ।
नेपाली सेनाले अमेरिकी जनरल चार्ल्सले नेपालको सद्भावना भ्रमण गर्न लागेको जनाएको छ ।
काठमाडौंमा रहँदा चाल्र्सले प्रधानमन्त्री देउवा, प्रधानसेनापति प्रभुराम शर्मालगायतसँग भेट गर्ने कार्यक्रम छ ।
उनले माउन्टेन फ्लाइट गर्ने र काभ्रेको पाँचखालस्थित वीरेन्द्र शान्ति सैनिक तालिम केन्द्रको अवलोकन गर्ने कार्यक्रम पनि छ ।
शिवपुरीस्थित नेपाली सेनाको कमाण्ड एण्ड स्टाफ कलेजमा समेत उनले सम्बोधन गर्नेछन् । चाल्र्स जेठ २९ गते स्वदेश फर्किने कार्यक्रम छ ।
