काठमाडौं : नेकपा एकीकृत समाजवादीको सचिवालय बैठकमा सरकारमा सहभागी मन्त्रीहरूको हेरफेरको विषयमा छलफल भएको छ ।
आइतबार बसेको सचिवालय बैठकमा संघीय सरकारमा सहभागी मन्त्रीहरूको हेरफेरको विषयमा छलफल भएको हो ।
एकीकृत समाजवादीका उपमहासचिव गंगालाल तुलाधरले बैठकमा आफ्नो पार्टीबाट सरकारमा सहभागी मन्त्रीहरूको हेरफेरबारे छलफल भएको जानकारी दिए । उनले त्यसको जिम्मा शीर्ष नेतालाई दिइएको बताए ।
मन्त्रीहरुलाई ६ महिलाका लागि पठाएको र अहिले सरकारमा सहभागी भएको ६ महिना बढी भइसकेकाले मन्त्रीहरुको कामको समीक्षा गरेर शीर्ष नेताहरुले हेरफेरको निर्णय गर्ने उनले जानकारी दिए ।
अहिले संघीय सरकारमा एकीकृत समाजवादीका एक राज्यमन्त्रीसहित पाँच जना मन्त्री छन् ।
उनले पार्टीले गरेको निर्णय मन्त्रीहरूले पनि मान्नुपर्ने धारणा राखे ।
