वीरगञ्ज : नेकपा एमाले र लोकतान्त्रिक समाजवादी पार्टीले वीरगञ्ज महानगरपालिका गठबन्धन गरेर निर्वाचनमा जाने निर्णय गरेको छ ।
बिहीबार एमाले र लोसपाले संयुक्त पत्रकार सम्मेलन गरेर वीरगञ्ज महानगरपालिकामा मिलेर निर्वाचनमा जाने सहमति भएको जानकारी दिइएको छ ।
पत्रकार सम्मेलनमा नेकपा एमालेका सचिव रघुविर महासेठले अहिलेको गठबन्धनको सरकारबाट गणतन्त्र खतरा रहेको आरोप लगाए ।
लोकतान्त्रिक समाजवादी पार्टीका नेता लक्ष्मणलाल कर्णले आवश्यकता अनुसार अन्य स्थानीय तहहरुमा पनि मिलेर निर्वाचनमा जाने बताए ।
वीरगञ्जको प्रमुखमा एमालेका विजयकुमार सरावगी र उपप्रमुखमा लोसपाका पुरूषोत्तमलाल झा उम्मेद्वार हुने भएका छन् । सरावगी वर्तमान प्रमुख हुन् । उनी हालै मात्र एमालेमा प्रवेश गरेका थिए ।
