एजेन्सी : पाकिस्तानले श्रीलंकाली नागरिकको हत्या गरेको आरोपमा छ जनालाई मृत्युदण्डको सजाय सुनाएको छ ।
पाकिस्तानको आतंकवाद विरोधी अदालतले श्रीलंकाली नागरिक प्रियंथा कुमारालाई हत्या गरेको आरोपमा मृत्युदण्ड दिएको हो ।
योसँगै नौ जनालाई जन्मकैदको सजाय सुनाइएको छ । थप ७२ दोषीलाई दुई वर्षको जेल सजाय सुनाइएको छ ।
श्रीलंकाली नागरिक प्रियंता सियालकोटको एउटा कारखानामा म्यानेजरको रूपमा काम गर्थे । गत वर्ष डिसेम्बर तीनमा हिंस्रक भीडले उनलाई ईश्वरनिन्दाको आरोपमा कुटपिट गरी हत्या गरेको थियो ।