काठमाडौं : नेपाली कांग्रेसको केन्द्रीय निर्वाचन परिचालन समितिको बैठक शुक्रबार बस्ने भएको छ ।
दिउँसो पार्टी केन्द्रीय कार्यालय सानेपामा बस्ने बैठकमा उमेदवार सिफारिस, छनोट तथा गठबन्धनको साझा उमेदवारलाई कसरी जिताउनेलगायत विषयमा छलफल हुनेछ ।
कांग्रेस केन्द्रीय कार्य सम्पादन समितिको बैठकले पार्टीका सातजना सहमहामन्त्रीलाई प्रदेशमा पठाउने निर्णय यसअघि नै गरिसकेको छ ।
नगरपालिका र गाउँपालिकाका उमेदवारको टुंगो लगाउन शनिबारबाट सहमहामन्त्रीहरू सातवटै प्रदेशमा खटिनेछन् ।
बैठकमा सत्ता गठबन्धनमा रहेका दलहरुसँग तालमेलको अवस्था, तालमेलका कारण जिल्लाहरुमा देखिएका विवादमा समाधानका विषयमा पनि छलफल हुनेछ ।
