काठमाडौं : निर्वाचन आयोगले आगामी वैशाख ३० गते हुने स्थानीय निर्वाचनका लागि नियुक्त ७१ निर्वाचन अधिकृतलाई १० दिन नबित्दै हटाएको छ ।
आयोगल बिहीबार जारी गरेको सूचनाअनुसार ७१ निर्वाचन अधिकृतलाई ‘विभिन्न कारण’ हटाएर नयाँ नियुक्त गरिएका हो ।
कतिपय कमाइ हुने सरकारी निकायमा कार्यरत कर्मचारीहरु चुनावमा खटिन नमानेपछि उनीहरुको ठाँउमा नयाँ निर्वाचन अधिकृत नियुक्त गरिएको बताइएको छ ।
नियुक्त नयाँ निर्वाचन अधिकृतलाई यही चैत २९ गतेभित्र तोकिएका स्थानमा हाजिर हुन आयोगले निर्देशन पनि दिएको छ ।
