काठमाडौं : सत्तारुढ नेपाली कांग्रेसले गठन गरेको स्थानीय तह निर्वाचन केन्द्रीय परिचालन समितिले पूर्णता पाएको छ ।
उपसभापति पूर्णबहादुर खड्काको संयोजकत्वमा गठन भएको समितिमा पदाधिकारी, पूर्व पदाधिकारी र केन्द्रीय सदस्यहरु मनोनित भएका हुन् ।
पूर्वमहामन्त्री शशांक कोइराला, पूर्वसहमहामन्त्री अर्जुननरसिंह केसी र प्रवक्ता प्रकाशशरण महतलाई समिति सदस्य बनाइएको छ ।
समितिको बैठक बिहीबार दिउँसो पार्टी कार्यालय सानेपमा बस्दैछ । बैठकले स्थानीय निर्वाचन तयारी र अन्य दलसँग तालमेलको सम्भावना लगायतका विषयमा छलफल गर्नेछ ।
दुई दिनअघि बसेको कांग्रेस केन्द्रीय समिति बैठकले खड्काको संयोजकत्वमा निर्वाचन परिचालन समिति गठन गरेको थियो ।
