काठमाडौं : नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सभामुखको पद जोगाउनका लागि व्याख्यात्मक टिप्पणीसहित अमेरिकी सहायता परियोजना एमसीसी अनुमोदन गर्न राजी भएको खुलासा गरेका छन् ।
उनले प्रमुख प्रतिपक्षी दल नेकपा एमालेले गठबन्धन भत्काउने खेल खेलेको र सभामुख अग्निप्रसाद सापकोटाको पदसमेत धरापमा परेकाले एमसीसी अनुमोनदनका लागि व्याख्त्यात्मक टिप्पणीसहित अनुमोदन गर्नुपरेको प्रस्ट्याएका हुन् ।
एमसीसीका कारण गठबन्धन भत्किने अवस्थामा पुगेको उनको भनाइ छ । एमालेले गठबन्धन पनि भत्काउने र संसद पनि विघटन गर्ने खेल खेलेको पनि दाहालले बताए ।
एमालेको दाउलाई पराजित गर्न व्याख्यात्मक घोषणासहित एमसीसी अनुमोदन गरेको जानकारी केन्द्रीय समिति बैठकमा दाहालले गराए ।
बैठकमा एमसीसी अनुमोदन र पार्टीभित्र सिर्जना भएको आन्तरिक द्वन्द्व र पदाधिकारी चयनबारे पनि छलफल हुने बताइएको छ ।
