काठमाडौं : प्रतिनिधिसभाको बिहीबारको बैठकमा एमसीसीमाथि छलफल हुने भएको छ ।
संघीय संसद सचिवालयले बुधबार सार्वजनिक गरेको सम्भावित कार्यसूचीमा एमसीसीलाई समावेश गरिएको छ ।
कार्यसूचीमा अर्थमन्त्री जनार्दन शर्माले एमसीसीमाथि छलफल गरियोस् भनी प्रस्ताव गर्ने उल्लेख गरिएको छ ।
यसअघि अर्थमन्त्री जर्नादन शर्माको अनुपस्थितिमा सञ्चार तथा सूचना प्रविधि मन्त्री ज्ञानेन्द्रबहादुर कार्कीले सदनमा एमसीसी पेश गरेका थिए ।
यसैगरी बैठकमा कानुन न्याय तथा संसदीय मामिला मन्त्री दिलेन्द्रप्रसाद बडूले महान्यायाधिवक्ताको वार्षिक प्रतिवेदन पेश गर्ने कार्यसूची पनि रहेको छ ।