काठमाडौं : सत्तारुढ गठबन्धनको बैठकले एमसीसी सम्झौता संसदमा टेबुल गर्ने निर्णय गरेको छ ।
आइतवार प्रधानमन्त्री निवास बालुवाटारमा बसेको सत्तारुढ गठबन्धनको शिर्ष नेताहरुको बैठकले आइतवारै बस्ने प्रतिनिधि सभा बैठकमा एमसीसी सम्झौता टेबुल गर्ने निर्णय गरेको हो ।
गठबन्धनको बैठकपछि सञ्चारकर्मीसँग कुराकानी गर्दै सञ्चार तथा सूचना प्रविधि मन्त्री तथा सरकारका प्रवक्ता ज्ञानेन्द्रबहादुर कार्कीले आइतबार बस्ने प्रतिनिधि सभाको बैठकमा एमसीसी सम्झौता टेबुल हुने जानकारी दिए ।
प्रवक्ता कार्कीले एमाले नेतृत्वको पूर्ववर्ति सरकारले एमसीसी सम्झौतालाई प्रतिनिधि सभामा दर्ता गराएको र सोही दर्तालाई टेबुल गर्न लागिएको भन्दै यसको सम्बन्धमा एमालेले जवाफ दिनुपर्ने बताए ।
