एजेन्सी : रुसका राष्ट्रपति भ्लादिमीर पुटिनले अमेरिकाले आफ्नो देशको सुरक्षा चिन्ताको बेवास्ता गरेको आरोप लगाएका छन् ।
फ्रान्सका राष्ट्रपति इम्यानुएल म्याक्रोंनसँगको टेलिफोन सम्वादका क्रममा उनले यस्तो आरोप लगाएका हुन् ।
युक्रेनलाई नेटोले सहयोग गर्नु गलत भएको भन्दै पुटिनले अमेरिकाले युक्रेनको मामिलामा कुटनैतिक चाल चालेको गुनासो गरेका हुन् ।
रुसले युक्रेनसँगको तनाव समाधान हुने सम्भावना निकै कम रहेको पनि जनाएको छ । अमेरिकाले आफ्नो प्रमुख माग अस्वीकार गरेकाले तनाव समाधानको सम्भावना घटेको उसको भनाइ छ ।
नेटोमा युक्रेनको प्रवेश बन्देज गरिनुपर्ने माग गरेको रुसको छ । तर त्यसलाई पश्चिमी मुलुकहरुले अश्विकार गर्दै आएका छन् ।
अमेरिकी राष्ट्रपति जो बाइडनले रुसले युक्रेनमा हमलाको तयारी गरेकोे भन्दै सचेत रहन युक्रेन लगाएत पश्चिमा राष्ट्रहरुलाई आग्रह गरेका छन् ।
रुसले युक्रेनमा आगामी फेब्रुअरीमा आक्रमण गर्न सक्ने चेतावनी उनको छ । युक्रेनसँगको सीमा क्षेत्रमा रुसले करिब एक लाख सैनिक तैनाथ गरेको छ ।
अमेरिकाले युक्रेनमाथि आक्रमणका लागि सेना तैनाथ गरिएको आरोप लगाउँदै आएको छ । तर रुसले भने आक्रमणको कुनै योजना रहेको दाबी गर्दै आएको छ ।