एजेन्सी : जर्मनीले आफ्ना नागरिकलाई खोप अनिवार्य गर्ने तयारी गरेको छ । जर्मन सरकारले ‘कि खोप लगाएर निको होऊ नत्र मर’ भन्ने चेतावनी जारी गर्दै अनिवार्य खोप कार्यक्रम शुरु गर्ने जनाएको हो ।
स्वास्थ्य मन्त्री जेन्स स्पानले हिउँदको अन्तसम्ममा प्रत्येक जर्मन नागरिकलाई खोप लगाएर सुरक्षित बनाइने वा मृत्युका लागि छाडिदिने चेतावनी दिएका हुन् ।
संक्रमितको संख्या बढदै गएपछि जर्मनीका कतिपय क्षेत्रमा लकडाउन लागू गरिएको छ । अस्पतालहरु पनि विरामीले भरिभराउ भएको सन्दर्भमा स्वास्थ्यमन्त्री स्पानको पछिल्लो चेतावनी आएको हो ।
जर्मन चान्सलर एंगेला मर्केलले पनि कारोना नियन्त्रणका लागि सरकारले चालेका नियन्त्रणकारी कदमहरु पर्याप्त नभएको बताएकी छिन् । संक्रमणको गति नाटकीय रुपमा बढेकाले कठोर कदम जरुरी देखिएको उनको भनाइ छ ।
सोमबार मात्रै जर्मनरीमा ३० हजार बढी संक्रमित फेला परेका छन । जर्मनीमा हरेक हप्ता संक्रमित दर दोब्बरले बढिरहेको छ ।
