काठमाडौं : नेपाली कांग्रेसका नेताहरू भारत भ्रमणमा जाने भएका छन् । भारतीय जनता पार्टी (भाजपा) को निमन्त्रणामा उनीहरू बिहीबार भारतको भ्रमणमा जान लागेका हुन् ।
कांग्रेसका सहमाहामन्त्री डा. प्रकाशशरण महतको सचिवालयका अनुसार उनीसहित नेताहरू अजय चौरसिया, उदयशमशेर राणा चार दिनका लागि भारत भ्रमणमा जाने भएका हुन् ।
भ्रमण दुई पार्टीबिचको सम्बन्ध विस्तारमा केन्द्रित रहने बताइएको छ ।
यसअघि गत अगष्ट महिनामा भाजपका विदेश विभाग प्रमुख विजय चौथाइवाले नेपाल भ्रमणमा आएका थिए । उनले प्रमुख राजनीतिक दलका नेताहरुसँग भेट गरेका थिए ।
