काठमाडौं : नेपाली कांग्रेसको केन्द्रीय समिति बैठक आज बस्दैछ । १४ औं महाधिवेशनको कार्यतालिका हेरफेर गर्न बैठक बोलाइएको हो ।
भदौ १६ देखि १९ सम्म महाधिवेशन गर्न अब सम्भव नदेखिएकोले महाधिवेशन सार्ने निस्कर्षमा कांग्रेस नेताहरु छन् ।
क्रियाशील सदस्यतामा देखिएको विवाद र कोरोना महामारीले गर्दा भदौमा महाधिवेशन गर्न नसकिने निष्कर्षमा कांग्रेस नेताहरु पुगेका हुन् ।
सभापति देउवाले मंसिरमा महाधिवेशन गर्नुपर्ने र वरिष्ठ नेता रामचन्द्र पौडेलले भदौमै वडा तहलगायत तल्ला तहका महाधिवेशन शुरू गरेर असोजमा महाधिवेशन गर्नुपर्ने प्रस्ताव गरेका छन् ।
केन्द्रीय समिति बैठक बस्नुअगाडि पनि शीर्ष नेता बैठक गरेर कार्यतालिकाबारे सहमति गर्ने तयारी छ ।