काठमाडौं : राष्ट्रपति विद्यादेवी भण्डारीले भूकम्प स्मृति दिवसबाट सुरक्षित जीवनका लागि आपसमा मिलेर काम गर्ने प्रेरणा सबैलाई मिलोस् भन्ने कामना गरेकी छन् । गोरखा भूकम्पको छैटौं स्मृति दिवसका अवसरमा सन्देश जारी गर्दैउनले सो कामना गरेकी हुन् ।
सन्देश जारी गर्दै राष्ट्रपति भण्डारीले २०७२ को भूकम्पबाट क्षतिग्रस्त भौतिक संरचनाहरुको पुनर्निर्माण गर्दा मौलिक वास्तुशिल्प प्रतिविम्बित गर्दै बलियो संरचना निर्माण गर्न सम्बद्ध पक्षको ध्यानाकर्षण समेत गराएकी छन् ।
भौगोलिक अवस्थिति र बनावटका कारण नेपाल भूकम्प, बाढी पहिरो र डुबान जस्ता प्राकृतिक प्रकोपको उच्च जोखिममा रहेको भन्दै उनले पर्यावरणमैत्री एवम् विपदको सामना गर्न सक्ने भौतिक संरचना निर्माणमा जोड दिएकी हुन् ।