वीरगन्ज – नेपालमा कोरोना भाइरस संक्रमणबाट थप एक जनाको मृत्यु भएको छ ।
वीरगन्ज महानगरपालिका–६, माईस्थान घर भएका ७० वर्षीय श्याम नारायण वर्णवालको वीरगन्जस्थित नारायणी अस्पतालअन्तर्गत गण्डक अस्थायी कोभिड अस्पतालमा मंगलबार मृत्यु भएको हो ।
श्वासप्रश्वासको समस्या देखिएपछि सोमबार अस्पताल भर्ना गरिएका उनको उपचारको क्रममा मंगलबार मृत्यु भएको हो । योसँगै नेपालमा कोरोना भाइरस संक्रमणबाट मृत्यु हुनेको संख्या ४३ पुगेको छ ।
‘मृत्युपछि बुधबार उनमा कोरोना संक्रमण पुष्टि भएको कोभिड अस्पतालका कोअर्डिनेटर डाक्टर उदयनारायण सिंहले जानकारी दिए ।