फिलिपिन्समा चीनबाहिर कोरोना भाइरसबाट संक्रमित एक बिरामीको मृत्यु भएको छ ।
फिलिपिन्समा कोरोना भाइरसबाट एक जनाको मृत्यु भएको समाचार संस्था एएफपीले जनाएको छ ।
चीनबाहिर यस भाइरसबाट सङ्क्रमित बिरामीको मृत्यु भएको यो पहिलो घटना हो ।
फिलिपिन्समा ज्यान गुमाउने ४४ वर्षीय बिरामी पनि वुहानबाट आएका थिए । वुहानबाट नै गत वर्ष कोरोनाभाइरसको सङ्क्रमण शुरु भएको थियो ।
योसँगै यस भाइरसको सङ्क्रमणबाट ज्यान गुमाउनेको सङ्ख्या ३ सय ४ पुगेको छ ।
शनिबार मध्यरातसम्म ३ सय ४ जनाले ज्यान गुमाएको चीनले बताएको छ । ज्यान गुमाउने नयाँ बिरामी सबै हुबेइका हुन् ।
हालसम्म चीनबाहिर १ सय ३० जनामा कोरानाभाइरस संक्रमण भएको पुष्टि भएको छ । विश्वका अन्य २२ देशमा यो भाइरसको संक्रमण देखिएको बेला चिनबाहिर एक जनाको ज्यान गएको हो । एजेन्सी
