अस्ट्रेलियामा पाँच दिनमा ५ हजार ऊँटलाई गोली हानेर मारिएको छ ।
पानी खोज्दै ठूलो संख्यामा उँट आएर घरमा नोक्सानी पुर्याउन थालेपछि आदिवासी समुदायको आग्रहमा त्यहाँका अधिकारीहरुले गोली हानेर मारेको समाचार संस्था एएफपीले जनाएको छ ।
हेलिकप्टरबाट व्यावसायिक सुटरहरुको सहायतामा ऊँटलाई मारिएको जनाइएको छ ।
खडेरीका कारण दक्षिणी अस्ट्रेलियाका रैथानेहरुलाई असर पुगेको छ ।
अष्ट्रेलियामा डढेलोका कारण बढेको गर्मी र सुख्खाका कारण पनि उँटहरु शहरमा आएको बताइएको छ ।डढेलोकै कारण त्यहाँ ५० करोड पशुपंक्षी समेत मरिसकेका छन् ।
जनसंख्यालाई नियन्त्रण गर्न अस्ट्रेलियामा ऊँट मार्ने गरिन्छ । अझै पाँच हजार ऊँटहरु मारिने बताइएको छ ।
एजेन्सी
