एजेन्सी – भारतले धारा ३७० खारेज गर्दै जम्मू कश्मीरलाई टुक्राएको विषयमा भारत र चीनबीच ‘बाक युद्ध’ चर्किएको छ । भारतीय यो कदमको चीनले असन्तुष्टी जनाएपछि भारतले त्यसको प्रतिवाद गरेको छ ।
चीनले चिनियाँ सीमाको पश्चिमतर्फको आफ्नो भूभाग भारतले आफ्नो प्रशासनभित्र पारेको प्रसंगमा मंगलबार टिप्पणी गर्न आग्रह गर्दा भारतको विदेश मन्त्रालयका प्रवक्ता रभीसकुमारले भनेका छन्,‘‘जम्मु काश्मीर ‘रिअर्गनाइजेसन बिल २०१९’भारतको भूभागसँग सम्बन्धित आन्तरिका मामिला हो ।
भारतले अरु देशको आन्तरिक मामिलाबारेमा प्रतिक्रिया दिन चाहँदैन । अरु देशले पनि त्यसै गरुन् भन्ने चाहन्छ ।”
चीनले भारतले सीमाको पश्चिम क्षेत्रमा रहेको चिनियाँ भूभागलाई आफ्नो प्रशासन भित्र पारेको भन्दै आपत्ति जनाएको हो । चिनियाँ विदेश प्रवक्ताले मंगलबार बेइजिङमा यसले चीनको भौगोलिक अखण्डता र सार्वभौमसत्तामा असर पर्ने समेत जनाएकी छन् ।
चिनियाँ सरकारको मुखपत्र ग्लोबल टाइम्सले जनाएअनुसार उनले सो अवसरमा यो अस्वीकार्य र गैरकानुनी भएको बताएकी छन् । उनको संकेत काश्मीरको लद्दाख क्षेत्रतर्फ रहेको जनाइएको छ ।
