शीर्षस्थानमा खुमबहादुर र प्रकाशमान

काठमाडौं । नेपाली कांगे्रसको केन्द्रीय सदस्य खुलातर्फको मत गणनामा पूर्व महामन्त्री प्रकाशमान सिंह र खुमबहादुर खड्का शीर्ष स्थानमा रहेका छन् । विहीबार साँझसम्म ३ सय ५० मत गनिसक्दा खड्काले २१४ र सिंहले २१३ मत प्राप्त गरेर शीर्ष स्थानमा रहेका छन् । शीर्ष स्थान कब्जा गर्न उनीहरुबीच तीब्र प्रतिस्पर्धा भइरहेको छ । कहिले खड्का अगाडि रहन्छन भने कहिले सिंहले खड्कालाई पछि पार्ने गरेका छन् ।
तेश्रो स्थानमा शेखर कोइराला रहेका छन् । उनले २०५ मत ल्याएर खड्का र सिंहलाई पछ्याइरहेका छन् । २५ सदस्यका लागि ९० जनाले उम्मेदवारी दर्ता गराएका छन् ।