बेल्जियममा ‘महाशिवरात्री पर्ब’ पूजा आराधना एबम भजनकिर्तन गर्दै मनाईएकोछ ।
प्रस्तावित ‘नेपाली सांस्कृतिक केन्द्र’ एन्तवेरपेनको आयोजनामा भएको शिबरात्री पूजामा भक्तजनहरुले भगवान शिवको पूजा आराधना गरेका थिए ।
पूजा सम्पन्न भए पष्चात प्रशाद ग्रहण गरेका सहभागिहरुले भजन किर्तन सहित भगवान शिवको आराधना गरेका थिए ।
लिन्करोबरमा मानब निर्मित नदी किनारको छेउमा रहेको हरियाली पार्कमा अबस्थित थोनेत हलमा शिब प्रतिमा स्थापित गरी बिधी पूर्वक पन्डित मुनाल भट्टराईले पूजा,होम र आरती गराउनु भएको थियो ।
सोही कार्यक्रममा बयोब्रिद्ध अग्रजहरु केशबराज सुबेदी, भट्ट आमा र कृष्ण पौडेल तथा पन्डित भट्टराईलाई नेपाली संस्कार संस्कृति जोगाउन उहाहरुले गर्नु भएको योगदानको कदर गर्दै सम्मान गरिएको थियो ।
एन्तवेरपेन निवासी नेपालीहरुले स्वत:स्फुर्त रुपमा पूजा सामाग्री, प्रशाद हलभाडा लगायतको प्रायोजन गरेर कार्यक्रमको ब्यबस्थापन भएको थियो ।
बेल्जियममा बिस्तार हुँदै गएको नेपाली समुदायले बिभिन्न चाडबाडमा परम्परा अनुसार आ-आफ्ना पर्बहरु मनाउने गरेकाछन, जसले गर्दा यहाँ हुर्कदै गएको नयाँ पुस्ताले नेपालको मौलिक पहिचानलाई निरन्तरता दिन सहयोग पुग्ने विश्वाश गरिएकोछ ।
बेल्जियमको लुभेन ओस्तेण्डे लगायतका शहरहरुमा पनि नेपाली समुदायले महाशिवरात्री पर्ब बिभिन्न कार्यक्रम गरेर मनाएकाछन ।
