बेल्जियममा ब्यवसाय गर्ने नेपालीहरुको संस्था ‘नेपाली ब्यबसायी संघ बेल्जियम’ ले जनवरी 6 तारिख सोमबार संस्थाको साधारण-सभा गर्ने भएकोछ ।
संस्थाका अध्यक्ष चिरन कुमार खवासका अनुसार एन्तवेरपेनको रान्स्तमा नगरमा हुन लागेको साध्रण सभामा नेपाली दुतावास बेल्जियमबाट कार्यबाहक राजदुत, एनआरएनए बेल्जियमका अध्यक्ष, एनआरएनएका पूर्व अध्यक्ष एबम केन्द्रिय पदाधिकारीहरु,बेल्जियम कृयाशिल संघ संस्थाका अध्यक्ष एबम प्रतिनिधिहरु र संघका सदस्यहरुको उपस्थितिमा संस्थाका वार्षिक गतिबिधिहरु प्रस्तुत गरिने भएकोछ ।
साथै नेपाली ब्यबसायिहरुले भोगेका ब्याबसायिक समस्या र तीनका समाधानका बारेमा छलफल गर्ने र अागामी कार्ययोजना बनाउने गरी साधारण सभाको तयारी गरिएको अध्यक्ष खवासले बताउनु भएकोछ ।
सबै संघ संस्था एबम अतिथीहरुलाई निमन्त्रणा पठाईएको र कारणवस नपुगेको भए सार्वजनिक सुचना अनुसार उपस्थित भएर सहयोग गरिदिन नेपाली ब्यबसायी संघ बेल्जियमले अनुरोध गरेकोछ ।
