तमु समाजको आमा समुहले आयोजना गरेको कुकेन्होफ फुलवारी भ्रमणमा बेल्जियमभरिका दुई सय बढि नेपाली सहभागि,

Thank तमु समाज बेल्जियमको महिला बिभाग ‘आमा समुहले’ नेदरल्यान्डको कुकेनहोफ तुलिप फुलबारीको सामुहिक भ्रमण एबम पिकनिक सम्पन गरेकोछ ।

अप्रिल २१ तारिख आईतवार बेल्जियमका बिभिन्न शहरहरु ओस्टेन्डे,ब्रुगे, लुभेन र एन्तवेरपेनबाट तीन वटा बसमा गएका करिब २०० भन्दा बढी नेपालीहरुले फुलबारिको अबलोकन गर्नुका साथै नेपाली गीत संगीत सहित तमु दिदिबहिनीहरुले तयार गरेको खाजा खाँदै रमाइलो गरेका थिए ।

नेपाली समुदायमा भाईचाराको बिकास होस र मित्रता,आत्मियता बढोस भनेर आमा समुहको आयोजनामा फुलबारी भ्रमण गरिएको तमु समाज बेल्जियमका उपाध्यक्ष अनिता गुरुङले बताउनु भएकोछ । बेल्जियम बिभिन्न शहरमा बसोबास गर्ने नेपालीहरुलाई कुकेनहोफ जस्तो अति रमणीय फुलबारी भेट्ने र रमाइलो गर्ने अबसर जुटाईदिएकोमा तमु समाजको आमा समुहलाई सहभागिहरुले धन्यवाद दिएको समुहकी अध्यक्ष मन्दिरा तमुले बताउनु भएकोछ ।

महिला, बालबालिका र तमु परम्पराका सांस्कृतिक कार्यक्रम गर्दै आएको आमा समुहले पहिलो पटक आयोजना गरेको यस खालको कार्यक्रमले उत्साहित बनाएको आयोजकहरुको भनाईछ ।

ब्यबसायिक फोटोग्राफर लबिन गुरुङले फोटोसुट गर्न सहयोग गर्नु भएको थियो ।

सन १९५० मा कुकेन्होफ क्यास्टल वरिपरिको जमिनलाई ब्यबासायिक फुलबारीको रुपमा बिकास गरेर स्थानीय किसानहरुले सुरु गरेको फुल खेती आज विश्वमा चर्चित र आकर्षक गन्तब्य बनेको छ । मार्च महिनाको तेश्रो हप्ताबाट हेर्न र घुम्नका लागि खुला गरिएको फुलबारी मे महिनाको दोश्रो हपाता सम्म खुला रहन्छ ।

बसन्त रितुको हरियाली संगै खुलेको युरोपको मौसममा रङ्गी बिरङ्गी हजारौ प्रजातिका फुलहरुको मनमोहक द्रिष्य हेर्न लाखौ पर्यटकहरु आउने फुलबारिमा युरोपका बिभिन्न देशमा बस्ने नेपालीहरु पनि आउने गरेकाछन ।

हिन्दी फिल्मका केही चर्चित द्रिष्यहरु छायांकन भएकोले पनि फुलबारी हेर्न चासो राख्नेहरुमा नेपाली र भारतीयहरु भेटिन्छन भने फुलबाट बन्ने सुगन्धित प्रशाधनको केन्द्र पनि यसलाई मानिन्छ ।