अप्रत्याशित राजनीतिक घटनाक्रमसँगै गठबन्धन भत्किएपछि विपक्षी बेन्चमा पुगेको कांग्रेसले वैकल्पिक गठबन्धनको कसरत थालेको छ । प्रधानमन्त्री पुष्पकमल दाहाल प्रचण्डबाट धोका भएको निष्कर्ष निकालेको कांग्रेस, सरकारले विश्वासको मत लिने वेलासम्म वैकल्पिक गठबन्धन गराउने गरी दौडधुपमा लागेको हो ।
कांग्रेस कार्यसम्पादन समिति बैठकले मंगलबार गठबन्धन तोडिनु अप्रत्याशित धोका रहेको र नयाँ गठबन्धन निर्माणले राजनीतिक अस्थिरताको सिर्जना गरेको विश्लेषण गर्दै सशक्त र प्रभावकारी प्रतिपक्षको भूमिका निभाउने निर्णय गरेको थियो । तर, बुधबार कांग्रेसको मूल नेतृत्व वैकल्पिक गठबन्धन बनाउन दौडधुपमा व्यस्त देखियो । यति मात्र होइन, संवाद जारी राख्ने कांग्रेस नेताहरूले बताएका छन् ।
स्रोतका अनुसार नेपालसँग सभापति देउवाले सरकारमा जान हतार नगर्न भनेका थिए । उनले प्रधानमन्त्री प्रचण्डले धोका दिएको भन्दै पूर्वगठबन्धनका बाँकी घटक एक ठाउँमा रहनुपर्ने आवश्यकता रहेको बताएका थिए । यस क्रममा जसपा र एकीकृत समाजवादी, जनमोर्चा सरकारमा जान हतार गर्न नहुने देउवाको भनाइ थियो ।
