एनआरएनए एनसीसीहरुमा नब निर्बाचित पदाधिकारीहरुलाई अन्तरराष्ट्रिय पर्बत समाजको बधाई तथा शुभकामना कार्यक्रम सम्पन्न, संस्थाको चौथो अधिबेशन अक्टोबर चौध तारिख हुने,

अन्तरराष्ट्रिय पर्बत समाजले बिभिन्न देशबाट एनआरएनए एनसिसीमा नबनिर्बाचित पदाधिकारीहरुलाई बधाई दिदै सम्मान गरेकोछ । साथै सोही अबसरमा अन्तरराष्ट्रिय पर्बत समाजको चौथो अधिबेशन आउदो अक्टोबर चौध तारिख पर्बतको जलजलामा हुने भएको जानकारी दिइएको थियो ।  संसारका बिभिन्न देशमा बसोबास गर्ने पर्बतेलीहरु संगै एनआरएनएका नेताहरु र राजनितिक र सामाजिक क्षेत्रका बिशिष्ट ब्यक्तिहरुको अधिबेशनमा सहभागिता रहनेछ । अधिबेशनको ब्यबस्थापनका लागि कामहरु द्रुतगतिमा भैरहेका छन ।

गत साता भएको एनआरएनए पदाधिकारीहरुलाई बधाई एबम सम्मान गर्ने कार्यक्रममा अधिबेशनको तयारी र एनआरएन अभियानको आगामी कदमका बारेमा बहस र छलफल भएको थियो । बिभिन्न देशबाट भर्च्युअल जोडीनु भएका पर्बतेली एनआरएनएका पदाधिकारिहरुलाई एनआरएनए का केन्द्रीय अध्यक्ष कुल आचार्य र उपाध्यक्ष महेश श्रेष्ठले सफलताको शुभकामना र बधाई दिनु भएको थियो ।

अध्यक्ष आचार्यले मातृभूमीका लागि आबस्यक सहयोग गर्ने र सदभाबना फैलाउने प्लेटफार्म एनआरएनए हो भन्दै यस संस्था मार्फत आफ्नो ज्ञान र सीप देशका लागि लागनी गर्न आग्रह गर्नु भयो । उँहाले प्रबासका नेपालीको हरेक सुख दु:खमा सहयोगि बन्न पनि एनआरएनएका पदाधिकारीहरुलाई सुझाब दिनु भयो ।

एनआरएनएका उपाध्यक्ष एबम अध्यक्ष पदका उम्मेद्वार महेश श्रेष्ठले देशको सम्ब्रिद्धिका लागि साझेदारी गर्नु पर्ने महत्वपूर्ण क्षणमा संस्था भित्रको किचलोले नकारात्मक शन्देश दिएको र संस्थाको गरिमामा माथि छाती पुगेको अवस्थामा एनसीसीको नेत्रित्व गरेका साथीहरुले सकृय भएर एनआरएनएको मर्म अनुसार काम गर्न अनुरोध गर्नु भयो । इमान्दार भएर संस्थाको काम गरेमा सबै प्र्बासी नेपाली र नेपाल सरकारको सहयोग हुने भएकोले संगठनका हरेक गतिबिधी पारदर्शी बनाउन र सहभागितामुलक अभियान चलाऊन पनि उहाले सुझाब दिनु भयो ।

अन्तरराष्ट्रिय पर्बत समाजका प्रमुख संरक्षक पुरन गिरिले पर्बत र समग्र देशलाई आपत पर्दा सहयोग पर्बत् समाजले सहयोग गर्ने गरेको र त्यसलाई अझ फराकिलो बनाएर अबका कार्ययोजना बनाउने र त्यसका लागि मिलेर काम गर्न एनआरएनएलाई अनुरोध गर्नु भयो ।

अन्तररास्ट्रिय पर्बत समाजका अध्यक्ष झलक केसिको सभापतित्वमा भएको कार्यक्रमको सन्चालन प्रबक्ता कमल लामिछानेले गर्नु भएको थियो ।