काठमाडौं : धरान उपमहानगरका प्रमुख हर्क साम्पाङले अन्तत धरान बजारमा पानी ल्याउन सफल भएका छन् ।
प्रमुख साम्पाङले धरान बजारमा पानी आएसँगै धरानवासीसँग खुशीयाली साटेका छन । भिडियोमा प्रमुख साम्पाङसहित धरानवासी पानीको फोहोरामा भिज्दै गरेको देखिन्छ ।
पानी ल्याउन सफल भएकोमा खुसी व्यक्त गर्दै नगरप्रमुख साम्पाङले सहयोग गर्ने सबैलाई धन्यवाद दिएका छन् ।
अहिले खर्दु र निशाने खोलाको पानी बजारमा आएको हो । सर्दु खोलाको पानी भने पाइपलाइनमा जोडन बाँकी रहेको छ ।
साम्पाङले स्थानीय तह निर्वाचनको बेला धरानमा पानीको समस्या समाधान गर्ने बाचा गरेका थिए ।
