काठमाडौं : नेकपा माओवादी केन्द्रले पार्टी पदाधिकारीको बिहीबार टुंगो लगाउने भएको छ ।
आज पार्टी कार्यालय पेरिस डाँडामा बसेको पार्टीको स्थायी कमिटीको बैठकमा पदाधिकारीको बारेमा छलफल भएको र बिहीवार बस्ने बैठकले पदाधिकारीको टुंगो लगाउने निर्णय गरेको हो ।
बैठकपछि प्रवक्ता कृष्णबहादुर महराले बिहीबारको बैठकले पार्टीमा सबै पदाधिकारीको टुंगो लगाउने जानकारी दिए ।
केन्द्रीय कमिटीपछि स्थायी कमिटीले टुंगो लगाउनुपर्ने कुरा र केन्द्रिय कमिटीमा थप्नुपर्ने सदस्य, पोलिटब्यूरोमा थप्नुपर्ने सदस्य र पदाधिकारीको नाम भोलीको स्थायी समितिले अन्तिम रुप दिने भएको हो ।
गत पुस १८ मा सम्पन्न भएको महाधिवेशनले दुई ३६ जना केन्द्रीय सदस्यको नाम अनुमोदन गरेको थियो ।
केन्द्रीय कमिटी दुई सय ९९ सदस्यीय हुने भनिए पनि बाँकी सदस्यहरु मनोनयन हुन बाँकी छ ।
यस्तो पोलिटव्युरो, स्थायी कमिटी र पदाधिकारी समेत अहिलेसम्म मनोनयन हुन सकेको छैन ।
