काठमाडौं : महानगर प्रमुखहरुले सरकारसँग छुट्टै ऐन जारी गर्न माग गरेका छन् ।
पोखरामा भएका मेयर सम्मेलनपछि घोषणापत्र जारी गर्दै छ वटा महानगरपालिकाका प्रमुखहरूले महानगरपालिकाका लागि छुट्टै ऐन जारी गर्न संघीय संसद्लाई अनुरोध गरेका हुन् ।
स्थानीय सरकार सञ्चालनार्थ निर्माण गरिएका कानुन परिमार्जन तथा नयाँ कानुन निर्माण र महानगरपालिकाका लागि छुट्टै ऐन आवश्यक भएको महानगरप्रमुखहरुको निष्कर्ष छ ।
सम्मेलनले महानगरले राम्रोसँग काम गर्न स्थानीय सरकार सञ्चालन ऐन २०७४ लगायत विभिन्न विषयसँग सम्बन्धित विद्यमान संघीय कानुन परिमार्जन तथा नयाँ कानुन निर्माण आवश्यक भएको ठहर गरेको छ ।
सम्मेलनले महानगर मञ्च नेपाल गठन गरेर गर्ने निर्णयपनि गरेको छ ।
मञ्चले महानगरका विशिष्ट प्राकृतिक, सांस्कृतिक एवं सामाजिक मौलिक चरित्र एवं समस्या र सम्भावनाहरूलाई सम्मान र सम्बोधन गर्ने बताइएको छ ।
