काठमाडौं : पूर्वप्रधानमन्त्री बाबुराम भट्टराईले नयाँ पार्टी निर्वाचन आयोगमा दर्ता गराएका छन् ।
जनता समाजवादी पार्टीबाट अलग भएका भट्टराईले नेपाल समाजवादी पार्टी नामक दल दर्ता गरेका हुन् ।
निर्वाचन आयोगले भट्टराई समूहको आग्रहमा यसअघि नै आयोगमा दर्ता भएको समावेशी लोकतान्त्रिक पार्टीको नाम परिवर्तन गरेर नेपाल समाजवादी पार्टी बनाइदिएको हो ।
जसपामा विवाद चर्किएका बेला भट्टराई निकट दीपक लामिछानेको अध्यक्षतामा फागुन पाँचमा यो दल निर्वाचन आयोगमा दर्ता भएको थियो ।
पार्टीको चुनाव चिह्न आँखा कायम गरिएको छ । यो चुनाव चिह्न विगतमा भट्टराई नेतृत्वको नयाँ शक्ति पार्टीको थियो ।
भट्टराईले २०७४ सालको प्रतिनिधि सभा सदस्य निर्वाचनमा गोरखा क्षेत्र नम्बर दुईमा तत्कालीन नयाँ शक्तिबाट आँखा चुनाव चिन्हमा लडेर जितेका थिए ।