काठमाडौं : मिस नेपाल २०२२ को उपाधि प्रियंका रानी जोशीले जितेकी छिन् ।
गोदावरीमा शनिबार सम्पन्न भएको फिनालेमा जोशीले मिस नेपालको ताज पहिरिएकी हुन् । उनलाई मिस नेपाल नम्रता श्रेष्ठले ताज पहिर्याइदिइन् ।
जोशी पत्रकारिताकी विद्यार्थी हुन् । माइतीघरस्थित सेन्ट जेभियर्समा उनले पत्रकारिता पढेकी हुन् ।
त्यस्तै सरिशा श्रेष्ठ मिस नेपाल अर्थ र न्यान्सी खड्का मिस नेपाल इन्टरनेशनल घोषित भए ।
विभिन्न ९ वटा सब–टाइटलमा विजेता पनि घोषणा गरिएको थियो । नीति शाहसहितका ११ जना निर्णायकले फाइनलिस्टलाई प्रश्नहरु सोधेका थिए ।
कोभिड–१९ महामारीले अघिल्ला दुईवर्ष स्थगित भएको मिस नेपाल यसपटक भौतिकरुपमै सम्पन्न भएको हो ।
