प्रबासमा रहेका गैर आबासीय नेपालीलाई पूर्ण अधिकार सहितको नागरिकता दिनु पर्छ, राजन भट्टराई प्रबास इन्चार्ज नेकपा एमाले
नेकपा एमालेका नेता बिदेश बिभाग प्रमुख राजन भट्टराईले बिदेशमा रहेका नेपालीहरुलाई पूर्ण अधिकार सहितको नेपाली नागरिकता पाउनु पर्छ भन्नु भएकोछ ।
प्रबासी नेपाली मंच बेल्जियमको छैटौ अधिबेशनलाई प्रमुख अतिथीको रुपमा शुभकामना मन्तब्य दिदै भट्टराईले बिदेशको नागरिकता लिएका नेपालीले बिदेशमा पनि भोट हाल्ने र नेपालमा पनि मताधिकार पाउनु पर्छ भन्नु व्यबहारिक र अन्तरराष्ट्रिय कानुन अनुसार पनि जायज नहुने अवस्थालाई बुझ्नु पर्ने तर अन्य सबै कुरा नेपाली नागरिक सरह उपयोग गर्न पाउने कुरामा नेकपा एमाले प्रस्ट रहेकोछ भन्नु भयो ।
” एक पटकको नेपाली सधैंको नेपाली ” भन्ने भाबनात्मक यथार्थलाई नेपालका राजनितिक शक्तिहरुले बुझेकाछन भन्नु हुँदै पार्टीको बिदेश बिभाग प्रमुखको नाताले एनआरएनहरुको यो मागको पक्षमा आफु सधैं समर्थनमा रहेको विश्वाश दिलाउनु भयो । बिदेशमा आर्जन गरेको ज्ञान र सीपलाई मातृभूमीको बिकासका लागि लागानी गरिदिन अनुरोध गर्दै हरेक देशको सामाजिक आर्थिक बिकासमा डायसपोराको महत्वपूर्ण भूमिका हुन्छ ।
सामुहिक होस् कि ब्यक्तिगत पुजी होस् त्यो नेपाल भित्राउनको लागि बिदेशका संघ संस्था सँग नेपालले अपेक्षा गरेको छ । देशको परिवर्तन र बिकासका लागि देशमा रहेका राजनीतिक शक्तिले बातावरण बनाउनु पर्ने र बिदेशमा रहेका नेपालीहरु अबैतनिक राजदुतको भूमिका रहेर देशको उत्थानको लागि काम गर्नु पर्छ, कहिल्यै नेपाल नगएको बिदेशीले बिदेशमा रहेका नेपालीहरुलाई देखेर नेपाल प्रतिको भाबना बनाउने हुँदा नेपाली कला संस्क्रिति र नेपाली संस्कार अनुसार व्यबहार गर्न अनुरोध गर्नु भयो ।
बिचार र दृष्टिकोण फरक भए पनि देशको सम्ब्रिद्धीनै सबैको चाहना भएकोले लोकतान्त्रिक बिधी र प्रकृयामा रहेर अग्रगमनको बाटोमा एक भएर अगाडि बढ्न् सकिन्छ, प्रबासको नेपाली समुदायले पनि देश बिकासको अभियानमा एक हुनु पर्ने र सामुहिक अभियान चलाऊन सक्नु पर्छ । बाद बिबाद र प्रतिस्पर्धा गर्न नेपालका राजनितिक पार्टिहरुनै सकृय छन तसर्थ त्यो भूमिका बिदेशका संघ संस्थाले निभाउन आबस्यक छैन भन्दै बेल्जियमको नेपाली समुदायलाई सहकार्य र एकता गरेर सामाजिक अभियान अगाडि बढाउन अह्वान गर्नु भयो ।
