काठमाडौं : सौन्दर्य प्रतियोगिताको नाममा नाबालिगलाई बलात्कार गरेको आरोप लागेका मनोज पाण्डे पक्राउ परेका छन् ।
एक युवतीले सामाजिक सञ्जालमार्फत पाण्डेमाथि आफू नाबालिग छँदा बलात्कार तथा यौनशोषण गरेको आरोप लगाएकी थिइन् ।
कार्यक्रमका आयोजक पाण्डेलाई उपत्यका अपराध अनुसन्धान कार्यालयबाट खटिएको टोलीले काठमाडौंको स्वयम्भूबाट पक्राउ गरेको हो ।
पाण्डे मोडल ग्लोबल भिसाज कन्सल्टेन्सीका सञ्चालक हुन् । उनले सन् २०१४ मा मिस ग्लोबल इन्टरनेशनल नामक प्रतियोगिताका आयोजना गरेका थिए ।
