काठमाडौं : बागमती प्रदेशसभा सदस्य केशव स्थापितले पदबाट राजीनामा दिएका छन् ।
काठमाडौं महानगरपालिकाको मेयरमा नेकपा एमालेबाट उम्मेद्वार बन्ने भएपछि उनले प्रदेशसभा सदस्य पदबाट राजीनामा दिएका हुन् ।
आइतबार प्रदेशसभाका सभामुख सानुकुमार श्रेष्ठ समक्ष स्थापितले राजीनामा दिएका हुन् ।
काठमाडौँ महानगरमा यो पटक एमालेले स्थापितलाई मेयरमा उठाउने भएको हो । प्रदेशको पूर्वभौतिक पूर्वाधारमन्त्रीसमेत रहेका उनी काठमाडौं महानगरपालिकाको दोस्रोपटक मेयरमा उम्मेदवारी दिन लागेका हुन् ।
निर्वाचनमा महानगरमा एमाले र सत्तारुढ गठबन्धनबीच कडा प्रतिस्पर्धा हुने अनुमान गरिएको छ ।
