ललितपुर : ललितपुरको कोन्जोसोम गाउँपालिका–४ नल्लुमा एकै परिवारका ४ जना मृत भेटिएका छन् ।
घाइते अवस्थामा भेटिएका थप एक जनाको उपचारका क्रममा मृत्यु भएको छ ।
मृत्यु हुनेमा ५५ वर्षीया काइली स्याङ्तान, २२ वर्षीया सुश्मा स्याङतान, ९ वर्षीय आशिष स्याङतान, ५ वर्षीय आश्मा स्याङतान र २ दिनको शिशु सुभाष स्याङतान रहेका छन् ।
सुभाषको उपचारका क्रममा पाटन अस्पतालमा निधन भएको हो ।
आइतबार साँझ खाना खाएर सुतेका उनीहरु सोमबार बिहान मृत भेटिएका हुन् ।
स्थानीयले घटनाबारे थाहा पाएपछि प्रहरीलाई खबर गरेका थिए ।
प्रहरीले घटनाबारे थप अनुसन्धान भइरहेको जानकारी दिएको छ ।