काठमाडौं : वरिष्ठ लोकगायक तथा कलाकार जयनन्द लामाको निधन भएको छ । बुधबार बिहान भक्तपुरस्थित कौशलटारमा लामाको निधन भएको हो ।
बुधबार विहान २ बजे घर अगाडि गाडीबाट ओर्लिने क्रममा लामा लडेका थिए । सोही क्रममा उनको निधन भएको बताइएको छ ।
सिन्धुपाल्चोक बाह्रविसे नगरपालिका–२ धार्पाका लामाले एक सयभन्दा बढी चलचित्र र कयौं टेलिश्रृंखलामा अभिनय गरेका छन् ।
लामाले २०३० सालमा मनको बाँध चलचित्रमा पहिलो पटक अभिनय यात्रा शुरू गरेका थिए । लामाका कलकत्ते काइँयो, मुलाको चाना लगायतका गीत नेपाली संगीत बजारमा चर्चित छन् ।
