काठमाडौं : नेपाली कांग्रेसका प्रवक्ता डा प्रकाशशरण महतले एमसीसीबारे फैलाइएको झुटको पर्दा विस्तारै खुल्दै गएको दाबी गरेका छन् ।
सोमबार पत्रकार सम्मेलन गर्दै उनले एमसीसीबारे जनतामा धेरै भ्रम फैलाइएको र नेपाली कांग्रेसले जनतालाई सत्य बुझाउन लागेको उनले बताए ।
उनले राजनीतिक स्वार्थका आधारमा एमसीसीको गलत प्रचार गरिएको दाबी पनि गरे । कांग्रेस सबैलाई एक साथ लिएर संसदबाट एमसीसी अनुमोदन गराउन केन्द्रित रहेको उनकाे भनाइ छ ।
नेपालले नै निवेदन दिएर एमसीसी आएको उनको दाबी छ । बाबुराम भट्टराई नेतृत्वको सरकारमा नारायणकाजी श्रेष्ठ परराष्ट्रमन्त्री हुदाँ यसको सुरवात भएको महतले बताए ।
महतले प्रतिनिधिसभाबाट अमेरिकी सहयोग परियोजना एमसीसी अनुमोदन हुने पनि दाबी गरे ।
