महोत्तरी : महोत्तरीका सात बालिका र किशोरीको भारतको सीतामढीबाट उद्धार गरिएको छ ।
घाँस काट्न जाँदा बेपत्ता भएका भंगाहा नगरपालिका–८ धरमपुरका सात जना किशोरी तथा बालिका सीतामढीमा भेटिएको खबर आएपछि प्रहरी त्यसतर्फ गएर उनीहरुको उद्धार गरेको हो ।
हराएका बालिका भेटिएको खबरपछि महोत्तरीका प्रहरी उपरिक्षक दिनेश आचार्यको नेतृत्वमा प्रहरी टोली सीतामढी गएको थियो । भारतीय प्रहरीको सहयोगमा बालिकाहरूलाई सीतामढीको रेल स्टेशनमा फेला पारिएको थियो ।
मंगलबार बिहान ११ बजे एकसाथ घाँस काट्न खेततिर गएका ५ बालिका र २ किशोरी बेपत्ता भएका थिए ।
ती किशोरी र बालिकाहरूले भारतको मुम्बईमा गायिका बन्न जान लागेको बयान दिएको बताइएको छ ।