काठमाडौं : नेकपा एमालेको माधव नेपाल पक्षको राष्ट्रिय कार्यकर्ता भेला आज पनि जारी छ । ललितपुरको एक होटलमा जारी भेलाले पार्टीको भावी कार्यदिशा तय गर्नेछ ।
पार्टीको अन्तरसंघर्ष संगठनका आधारमा अघि बढाउने र पालिका तहसम्म समानान्तर कमिटी ब्युँताउने रणनीतिसहित खनाल–नेपाल पक्षले राष्ट्रिय भेला आयोजना गरेको हो ।
भेलामा हिजो आगामी कार्यदिशा तय गर्न विभिन्न समूह गठन गरिएका छन् । समूहले आफ्नो निस्कर्ष आज प्रस्तुत गर्ने कार्यक्रम छ । धेरै समूहले पार्टी अध्यक्ष ओलीलाई सच्चाउदै एकता कायम राख्नुपर्ने सुझाब दिने तयारी गरेका छन् ।
समूहले दिने सुझावका आधारमा समूहले भावी कार्यदिशा तयार गर्नेछ । खनाल नेपाल समूह ओलीले एकलौटी गरेको भन्दै आन्दोलनमा छन् । हिजोदेखि शुरू भएको राष्ट्रिय कार्यकर्ता भेला आजै सक्ने तयारी छ ।
