भारतको उत्तराखण्डको चमौली जिल्लामा हिमनदी फुट्दा तीन नेपाली समेत बेपत्ता भएका छन् ।
स्थानीय प्रशासनले बेपत्ताको सूचीमा तीन नेपालीको नाम समेत सार्वजनिक गरेको हो । हिमताल फुट्दा आएको बाढीमा दुई सयभन्दा बढी मानिस बेपत्ता भएका भारतीय सञ्चारमाधयमहरुले जनाएका छन् ।
बाढी गएको क्षेत्रमा धेरै नेपाली नागरिक मजदुरी गर्दै आएकाले बेपता हुने नेपालीको संख्या बढ्न सक्ने बताइएको छ ।
बेपत्ता हुने तीन नेपाली नागरिकमा कैलालीको टिकापुरका सोहन चौधरी, शंकर चौधरी र विष्णु मल्ल रहेका छन् । बेपत्ताको खोजी कार्य तिव्र पारिएको छ । अहिलेसम्म २० जनाको शव फेला परेको छ ।
जलविद्युत आयोजनाको सुरुङमा फसेका मजदूरहरुको उद्दार भइरहेको छ । त्यहाँ नेपाली मजदुर भए नभएकोबारे केही थाहा हुन सकेको छैन ।
