चितवन : चितवन मेडिकल कलेजमा एकजना कोरोना संक्रमितको पुरुषको मृत्यु भएको छ । भरतपुर महानगरपालिका १५ का ७० वर्षीय वृद्धको उपचारका क्रममा आज विहान मृत्यु भएको अस्पतालले जानकारी दिएको छ ।
ती वृद्धमा भदौको १३ गते कोरोना संक्रमण पुष्टि भएको थियो । स्वासप्रस्वासमा समस्या भएपछि उनको भेन्टिलेटर राखेर उपचार भैरहेको थियो ।
योसँगै चितवनका अस्पतालमा मृत्यु हुनेको संख्या २२ पुगेको छ । यी मध्ये चितवनका १२ जना रहेका छन् । संक्रमितको संख्या १ हजार नजिक पुगेको छ ।
पछिल्लो पटक चितवनका ४१ जना संक्रमित थपिएका छन् । चितवनमा सबैभन्दा बढि भरतपुर महानगरमा ६ सय ५८ जना संक्रमित छन् ।
