काठमाण्डौ – नेपालमा पछिल्लो २४ घण्टामा थप ५८१ जनामा कोरोना भाइरसको संक्रमण पुष्टि भएको छ। जसमा महिला १ सय ७३ र पुरुष ४०८ जना रहेका छन् ।
यससँगै नेपालमा कोरोना संक्रमितको कुल संख्या २७ हजार २ सय ४१ पुगेको छ ।
स्वास्थ्य तथा जनसंख्या मन्त्रालयको नियमित प्रेस व्रिफ्रिङको क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा १६० जना डिस्चार्ज भएको जानकारी दिए । यससँगै अहिलेसम्म डिस्चार्ज हुनेहरुको संख्या १७ हजार ४ सय ९५ पुगेको छ ।
पछिल्लो २४ घण्टामा ११ हजार ५ सय २० जनाको पीसीआर परीक्षण गरिएको छ । हाल क्वारेन्टिनमा १५ हजार १ सय ९८ जना रहेका छन् ।
