काठमाण्डौ – देशभर कोरोना भाइरसको त्रास बढेको छ । लकडाउन अन्तसँगै मानिसहरुको सक्रियता बढेसँगै संक्रमण समुदायमा फैलन थालेको छ ।
वीरगञ्जमा सबैभन्दा बढी संक्रमण बढेको छ । त्यहाँ १२ जनाको संक्रमणबाट मृत्यु भइसकेको छ । स्थिति असामान्यतर्फ जान नदिने त्यहाँ निषेधाज्ञा जारी गरिएको छ ।
विराटनगरमा पनि कोरोना संक्रमण खतरनाक बन्ने देखिएसँगै लकडाउन गरिएको छ । त्यहाँ दुई हप्ता लकडाउन घोषणा भइसकेको छ । झापामा पनि पाँच दिन लकडाउन गरिएको छ । तराईका विभिन्न जिल्लामा निषेधाज्ञा र लकडाउन गरिएको छ ।
काठमाडौं उपत्यकामा पनि संक्रमणको खतरा बढेको छ । पछिल्लोपटक संक्रमितहरु आइसीयु र भेन्टिलेटरमै राख्नुपर्ने अवस्था बनेको छ । देशभर भेन्टिलेटरको अभावको अवस्था बन्नसक्ने देखिएको छ ।
प्रहरी मुख्यालय नक्शालमा पनि संक्रमित संख्या बढ्न थालेको छ । ट्राफिक प्रहरी महाशाखा रामशाहपथ नै शिल्ड गरिएको छ ।
नेपाल भारत सीमा क्षेत्रमा खटिएका प्रहरीहरु धमाधम संक्रमित हुने क्रम बढेको छ । यसरी देशभर संक्रमणको खतरा बढ्दै गएको छ ।
